نور عيني

جدا لان نور كانت بتتكلم فيه بكل صدق وده وصل لقلب الناس قوي وبعد البرنامج بساعات قليله بدات الناس تقطع كلامها وتنشره في فيديوهات ورد فعل الناس على كلامها بقى منتشر جدا وده نوعا ما بساطها قوي وحسسها انها كانت دفنه نفسها فعلا
وعدت الايام والاسابيع عليها هي وادم وهم مش بيكلموا بعض هي طبعا بقت مشغوله ببرنامجها جدا وبالعروض اللي بتجيلها وكمان صفحه البرنامج اللي على السوشيال ميديا بقت مفعله جدا وما بقتش تفكر في ادم خالص

ومرت الايام وورا الأيام الشهور وادم بيطمن عليها من بعيد لبعيد وكل ده مستكبر عليها ان هو يروح يكلمها ويبين مشاعره 
وهو من جواه بيغلي مستنيها انها تروح له كالعاده وتطلب منه يحبها وهو ساعتها هيستغل الفرصه المره دي لكن كرامته ناقحة عليه ان هو يروح يعترف لها 
اما نور فبتكلم صاحبتها وهم قاعدين في الجنينه وهي قدامها اللاب توب بتشتغل فاتكلمت صاحبتها
ايوه على الناس اللي بقوا مشهورين وما بقوش يسالوا في صاحبتهم غير كل فين وفين انا كده زعلانه وليا حق عرب عندك .
ابتسمت نور على طريقتها وهي بتتكلم ومشاغبتها ليها وقفلت اللاب توب وقالت لها وهي بتصالحها
معلش حقك عليا يا ميري والله مشغوله جدا ومسحوله في البرنامج علشان بس لسه جديد وانا جديده فبحاول اثبت نفسي وما اخدش وقت وانت اكيد طبعا عارفه ولازما تعذريني .
ابتسمت ميري وردت عليها
حبيبتي انا عارفه انا بس بنكشك علشان تضحكي كده وتفوقي للشغل 
بقول لك ايه من زمان ما سالتكيش عن اخبار ادم معاكي ايه وانت مش بتتكلمي خالص في الموضوع ده .
اتنهدت نور بتعب وجاوبتها بروح تعبانه
علشان انا تعبت من الكلام اللي ما لهوش لازمه يا ميري انا قررت اعيش لنفسي واشوف سعادتي وما ادوسش عليا اكثر من كده 
استنيته عمري كله وهو مش شايفني واتكلمت واتحايلت وكانت حياتي تقريبا واقفه عليه هو وبس ولا كنت بشتغل ولا بخرج ولا بتغير كل حياتي وتفكيري هو وبس
وحتى لما قررت اتغير قررت اني اتغير عشانه لكن لما اشتغلت وغيرت من شكلي وحسيت ان انا اتقدمت وحسيت اني بقى لي قيمه ساعتها حسيت اني غاليه قوي واني هنت نفسي كتير قوي ونفسي ما تستحقش مني كده فلقيتني يوم بعد يوم ما بقتش أهتم وعدم الاهتمام وصلني لمرحله ان انا مش بقيت افكر فيه خالص وفي النهايه قررت ان حتى لو هو جالي واعتذر واعترف لي بحبه وندم ساعتها انا هقول له مش عايزاك لان اللي يسيبني في عز ضعفي ويجرحني بكلامه وما يعملش المشاعر اي اعتبار وانا ضعيفه مش عايزاه وانا قويه .
صاحبتها استغربت جدا من كلامها ولانها عارفه انها بتعشق ادم قد ايه فسالتها
انتي متاكده من كلامك ده يا نور ده انت بتعشقي ادم من وانتي صغيره ودخلتوا نفس الكليه وروحك فيه متاكده من كلامك 
بصت بشرود لقدام وجاوبتها 
فعلا كنت معاه يوم بيوم وبكبر معاه لكن كان
شايفني اخت على هامش حياته ما فكرش يقويني ويدعمني ويسندني كان بالعكس شايف اني لازم اقعد في البيت وما احاولش يحطيني على الطريق الصح اللي انت حطيتيني عليه ومن كل قلبي انا ممنونه لك قوي يا ميري .
طبطبت ميري على ايديها لما شافت الدموع بتلمع في عينيها وقوتها على تفكيرها
انا عايزه اقول لك ان انا كنت شايفه كده من زمان انك تطلعي نفسك بره دوامه ادم وتفكري
في نفسك وانها تستحقي احسن من كده وانا بقول لك