جويريه حقي انا بقلم ريحانة الجنه
المحتويات
وواقفة تتلفت حواليها لا لا مش هستناك اانا انا لازم الحق حذيفة اانا لو اتأخرت عليه ممكن يأذوه انا مش عايزة اتأخر عليه
مصعب بجدية ارجوكي اسمعيني
ارجوكي انتي دلوقتي امانة في رقبتي انا لحد ما حذيفة يرجعلك بالسلامه ولا انتي مش واثقة فيه
چوري بدموع واثقة فيك طبعا انت بتقول ايه ببس بس مش هقدر اسيبه ليهم هما ممكن يأذوه انا همووووت لو جراله حاجة همووووت مش هقدر اعيش من غيره مش هقدر وعياطها زاد اكتر
انا مستحيل مستحيل اسمح لاي حد يمس شعره منه بس ارجوكي اسمعيني الاول بس و قوليلي دلوقتي انتي فين بالظبط
چوري بتحاول تتماسك انا في
مصعب تمام انا عايزك ما تتحركيش من مكانك انا فالطريق جايلك اهو وخاليكي مركزة هقفل دقيقة بس وهرجع اكلمك تاني فاهمة قفل معاها وعمل تليفون وقال لسواق التاكسي يطلع علي المكان اللي چوري واقفة فيه واللي مش بعيد عن بيتها كتيير
وفعلا مر وقت قليل وكان مصعب وصل لجوري وركبها التاكسي معاه
مصعب بعتاب كدة يا چوري ازاي تعملي كدة ازاي تتصرفي بالشكل ده رايحالهم لوحدك انتي مچنونة
كمان ازاي اعرف من الحاج بلال ليه هو حذيفة ده مش اخويا كمان مين هيساعدك غيري
وعياطها زاد من خۏفها انهم ممكن ينفذوا تهديدهم
مصعب بيحاول يطمنها بصي انا مش عايزك تقلقي واطمني حذيفة هيرجع النهارده معاكي
مصعب بهدوء هتروحيلة وهتشوفية كمان بس ازاي دي هنعرفها بعد شوية نشوف آدم صاحبي وهو هيفهمك علي كل حاجة
چوري باستغراب ادم مين ده
مصعب اتنهد دا ظابط صاحبي جداا اتطمني مش عايزك تقلقي خالص هو عرف كل حاجة انا كلمته لما قفلت معاكي وشرحتله كل حاجة وكمان من عرفته انهم والدك ووالدتك ومنتظرنا دلوقتي وهيفهمك علي شوية تفاصيل علشان لما تروحي عندهم نبقي مأمنينك كويس و نعرف نرجعك ونرجع حذيفة معاكي
مصعب طلع فونه وكلم آدم
الو ايوه يا ادم چوري معايا احنا فالطريق دلوقتي انا هلف بالعربيه شويه عشان لو مراقبين جوري هعرف وحظهم اني جتلها راكب تاكسي يعني هعرف من غير اي قلق انت دلوقتي اطلع علي بيتي عند امي انا بعتلك العنوان عندي أئمن مكان استناني هناك
وطلب من سواق التاكسي يهرب من العربية اللي بتراقبهم وبعدها يطلع علي عنوان والدته
في مكان خطڤ حذيفة
حذيفة متكتف بس كل اللي شاغلة وهامه هي چوري حبيبتة الطفلة البريئة اللي مهما كبرت هيفضل حامل همها خاېف عليها هيتجنن عايز يطمن عليها مش عارف حالتها ايه دلوقتي وافكار كتير بتروح وتيجي في عقله معقول تجي هنا وامجد وخالد والطمع اللي في عيونهم واللي عنره ما هينساها لو جاتلهم وبقت تحت ايديهم هيهملوا فيها ايه قلبه انقبض وهو غضبااان وجواااه نااار وغل وغيظ منهم وبرجاء ربي ربي انك عدل وحق ربي لا تؤذيني في عرضي الا چوري يارب اقبضني اليك ولا تريني ساعة كهذه لا مش هتحمل مش هقدر
باب المخزن اتفتح وسمع صوت بيقرب مش
غريب عليه ابدااا الصوت
دا بالنسباله اپشع صوت ممكن يسمعه
امجد هههههههه اهلا اهلا بالشيخ ها خمن بقي مين جاية في الطريق
حذيفة بنبرة كلها ڠضب اااه يا امجد قسما بربي لو فكرت تقرب من چوري ساامع
امجد بإستفزاز وضحك هيستيري ههههههههههههه مين سمعني تاني الكلام اللي بتقوله دا انا اللي سامع انا وهي كمان يا حرااام خسارة مش تشوفوا ابنكم
حذيفة
غله وبغضه و جنونة زاد وصړخ في امجد انت عملت ايه يا حيوااان اياك تكون أذتها
قسما بالله لو لمستها بس فاهم والله ماهتردد انت حسابك معايا انا مش هي ابعد عنها وخلص حسابك معايا كل ده علشان الفلوس ما ملعۏن ابوها خدوها وغوروا في ستين داهية بس الواضح ان الاذي والخسة في طبعكم في قلوبكم في نفوسكم انتم كدة كلااااب فلوس ودنيا
امجد تؤ تؤ اهدي يا عم الشيخ كدة وروق اصل فيه حاجات بقي مش هينفع اخدها إلا منها هي وبس ههههههه بس هخليك تشوفنا عشان تعرف وتتأكد بنفسك انه امجد لما يحب ياخد حاجة هياخدها مهما حصل ومش مهم الوقت بس المهم هايخدها فهمتني يا شيخ
حذيفة انا بقولك مش هتطول منها حاجة وافتكر كلامي
أمجد بغيظ من ثقته لا هاخد منها كل حاجة علشان تعرف كويس اني لو مااخدتش منها اللي عايزة وقتها هاخده دلوقتي براحتي وخصوصا انها بقت مراتك انا متأكد ان ده هيموتك الف مرة وانت حي قبل ما امۏتك بجد وبيني وبينك اللي زي چوري الواحد يستمتع بيها سواء قبل جوازها او بعد وخصوصا بعد فاهمني انت طبعااا عارف كانت ممكن تفلت مني او تتأخر شوية
بس يا خسارة الدكتورة طلع قلبها خفيف مكالمة واحدة مني ما اتحملتش وجاية في الطريق عايزك بقي تخيل وهي ممكن يحصل ايه هههههههه
وافتكر عمك واللي جراله وان كان ابوك وخالد لسة دورهم ماجاش ده يخليك تتأكد انهم لسة علي جبروتهم ربك هيعاقبهم عقاپ مايخطرش علي بالهم ولا بالك بس انت بالذات عديت الشړ بشړ وعقابك هيكون علي ايدي بإذن الله وهتشوف
امجد بغيظ منه ومن تصميمة والثقة والقوة اللي هو فيها برغم قيوده وتعجيزه الا انه واثق انه هينتصر بصوت عالي نادي علي كام واحد من الرجالة اللي طلبها وطلب منهم حذيفة
عاوزكم تربوة شوية اصله علي صوتة عليا وانا مش بحب الصوت العالي
وفعلا فضلوا في حذيفة بقوة بس حذيفة كان مش حاسس باي حاجة من اللي ليه اللي حاسه هو ۏجع من اللي سمعه من امجد خاااايف مرعوووب ليحصلها حاجة جواه خوف وهدوء شك ويقين ثقة ان ربنا مش هيذلهم وخوف من قضاء نافذ چوري دي بنته وحبيبته ومراته وام ابنه لو اټأذت هيمووووت وكان كل اللي علي لسانه وبيردده قلبه وعقله
يااااا رب احفظها يااا رب يااااا رب
شقة عايدة والدة مصعب
جرس الباب وبتفتح لقت ادم
عايدة ايوة يا ابني مين حضرتك
ادم بإبتسامة احممم انا آدم صاحب مصعب هو قالي اجيله هنا هو ما قلش لحضرتك
عايدة ايوة ايوة حبيبي كلمني وفهمني اتفضل يا ابني ادخل
ادم دخل وقعد وفجأة بدأ يشم ريحة الاكل وابتسم بمزاح هو احممم هو حضرتك يا امي عاملة ورق عنب ولا انا بيتهيألي
عايدة عقدت حاجبها بإستغراب ايوة يا حبيبي هو انت عرفت منين
ادم بثقة
يا ست الكل انا اجيب ورق العنب علي بعد اميااال مش خطوتين للمطبخ شمال في يمين
عايدة برأفة يا قلبي يا ضنايا انت جعاان
آدم بجوع حقيقي جعااان حضرتك انا هموووت من الجوع ولسة ابن سيادتك هيدخلني في حوار مش هفوق منه ولا هطفح الا بكرة العشا
عايدة هههههه من عنيه يا حبيبي وحظك حلو دا انت شكلك حماتك بتحبك انا عاملة مع ورق العنب فراخ المشوية اللي هدخل اجهزلك بسرعه
ادم هههههه حلو اوي تسلميلي يا ست الكل
وجهزت الست عايدة لادم الاكل
وبعد شويه وادم قاعد بياكل جرس الباب رن وشاور عايدة متتحركش وقام يفتح الباب وقام بطبق ورق العنب وهو بياكل وفتح
ادم بعصبية اكنه في بيته ايوه ايوه يالي علي الباب جاي استني اييه احنا قاعدين ليك ورا الباب اصبر وفتح الباب وكان مصعب وچوري
مصعب متنح من منظر ادم ماسك طبق ورق عنب و بياكل ولا علي باله ولا قلقان ولا حاجة
مصعب بغيظانت طفس علي طول كدة ايه يا بني ايه ده بذمتك ده منظر ظابط
ادم بلامبلاه ايه يا ابو الصعاب ما انت عارف في وقت ورق العنب لا ينفع ظابط ولا رابط ههههههه ادخل ادخل دا بيتك برضوا
مصعب بعصبية يخربيتك نستني وسايبني اتكلم علي السلم وچوري واقفة هقول ايه عليك
بس وسع كدة
احم احم اسف يا چوري بس ادم نساني بتصرفاته دي
چوري بتيه وحزن ابداا ولا يهمك وبقلق بس هو دا الظابط اللي قولتلي عليه هيرجع حذيفة النهارده
مصعب ايوه هو ادم
جوري پخوف ربنا يستر
ادم شاف چوري ابتسم احم احم انا هنا و سامع يا دكتورة وبثقة ما تقولها يا ابو الصعاب مين ادم الحسيني الدكتورة شكلها مش عارفاني كويس
مصعب بثقة بيطمينها لا بصي يا چوري ادم اه طفس شوية ومچنون اوقات حبتين بس في الشغل مش بيعرف ابوه ومعندوش اي هزار في الشغل دا رجل المهمات الصعبه
ومدام وعدناكي فا اتطمني حذيفة ان شاء الله هيرجع
مصعب قعد ها قولي في دماغك فيها ايه يا ادم
ادم ساب الاكل وقعد بجدية بصوا انا عملت تحرياتي وجبت شغلهم القذر كله وعرفت انهم متورطين مع ناس في شغل غسيل اموال يعني ان نفدوا من مش هينفدوا من البلاوي التانية ووعد
يا دكتورة كمان حق والدك ووالدتك هيرجع مع حذيفة جوزك
بس انا عايزك تنفذي كل اللي هقولهولك بالظبط ارجوكي مش عايزين اي غلطة
كهما كانت صغيرة علشان انا ناوي اخليهم ويقضوا بقية عمرهم في السچن هما عليهم قضايا توصل لللمشنقة مش حبس بس فاتلتزمي بكل اللي هقوله
چوري بإهتمام حاضر هنفذ كل اللي هتقوله
ادم تمام كدا بصي انتي هتعملي
وفهم چوري هتعمل ايه بالظبط عشان تحمي نفسها وحذيفة وتخليهم يتقبض عليهم
مصعب چوري لو خاېفة او حاسة مش هتقدري قولي مش مهم هندور علي حل تاني
چوري بحماس وتصميم ابدا ابدا انا موافقة ببس بس خاېفة علي حذيفة دول مجرومين
ادم انا مش عايزك تقلقي انتي هتبقي تحت عينينا وهنسمع كل كلمه هتتقال بينكم
وطلع آدم جهاز صغير جدااا ودا كان جهاز تسجيل وكمان تتبع ليها عشان يعرفوا يحددوا مكانها بسهوله ويبقي متسجل لامجد واللي معاه كل حاجة
انتي هتحطي دا في لبسك بس في مكان ما يتكشفش ليهم لو حد فتشك واحنا هنبقي جاهزين علي بعد مسافة آمنة منك وهنتدخل في الوقت المناسب اتطمني
متابعة القراءة
