قصة حماتي المفتريه 2
قعدت قدامها على كنبه كانت جمب السرير وفضلت بتاع نص ساعه كدا ابصلها وهيا شويه تبصلي وشويه تحط عينها في الأرض من الخۏف وماقالتش حرف وااحد عماله ترتعش وتقول بصوت واطي عبده ..ياعبده
وتسكت لما أقلها اخرسي يا حربااايه
بعد نص ساعه
قلت أتكلم بقا كفايه عليها كدا
قربت منها وقلت...تعالى معايا
قالت..اجي فييين
قلت..تحت الأرض
بقيت أضحك في سري وأقول.. أنصرف إيه يا بنت المجانين هو أنا عفريته...
قلت..مش هانصرف قبل ما أخدك معايا تحت الأرض
رجعت تنادي على جوزها تاني إلى كان غرقاان في النوم
عليت صوتي وقلت...قللللت مش هااايسمعك ولا حد هايسمعك.. اسكتى
أنا جايه أخدك معايا مش عاوزه تعرفي السبب
قلت..مرات إبنك يامفتريه
قالت...مالها دي زي بنتي
قلت..بنتك بردوو بتكدبي علينا دا إحنا عارفين وبنشوف كل
حاجه ..القرين بتاعها كل يوم يشتكيلنا من عمايلك فيها ياجااحده
ومسكتها من أيدها أشدها يالا قومي تعالى
فضلت تتوسل
قلت...مش عاوزه تيجي تحت
قالت..اييييوه ونببببي
قلت..تسيبي مرات إبنك في حالها مالكيش دعوه بيها خااالص
قلت...ولو ماحصلش كدا هتلاقيني جايالك تاني والمره الجايه مش هاسيبك
قالت...حاااضر أنصرف بقااا
قلت...هانصرف بس هافضل مرقباكي
وطفيت النور وطلعت جري فوق شيلت كل إلى أنا عملاه
تاني يوم نزلت كان جوزي جه وحمايا قاعد
قالي اعملي شاي ياياسمين لسه هاقوم مسكتني من أيدي وقالت خليكي ياحبيبتي أنا هاعمل ماتتعبيش نفسك وكل ما أعمل حاجه تقوم جري تعملها مكاني
وكل ماتعمل حاجه حلوه تبص للسقف وتقول أنا بعاملها حلو اهوووو
القصه لاتمت للواقع بصله وإنها علي سبيل الدعابه والمزاح كل الإحترام للحموات....
انتهت.
